極度無聊

今日有啲唔開心，因我買餸時遇到對面鄰居，佢問我點解會搵送飯服務，是否身體發生問題，仲話隔離鄰舍都議論紛紛，佢話自己唔係八係為咗關心我，其實我都想搵佢幫忙，因佢有養貓的關係，所以迫於無奈話比對面屋知我需要化療，希望對面屋暫時收留我兩隻貓。
後來佢話開咗家庭會議唔方便，咁都冇所喟我明解！我語帶相關同佢講不要將我患病啲事傳開去，以免被無聊人事亂咁講嘢！但聽佢語氣己知佢話咁快己傳咗開去，雖然佢話冇，但我知佢份人極度無聊，平時有咁啱遇到佢佢都同我講人地是非，啱啱先聽佢同我講完隔離屋啲家事，其實我真係冇興趣聽人地啲是非，得閒都對住部電腦好過，起碼冇是非。