今天工作不努力，明天努力找工作...

今日真係比個死靚仔攪到血壓高，星期一己預備咗啲素材比呢個死靚仔，要他預早將素材放進學校電腦，今早打電話問該人有否準備好，佢話得O架啦下午會去攪，點知頭先上堂前20分鍾進入課室，見到學校電腦部靚仔與死靚仔正在鬥咀，原來中心靚仔只不過是比我早5分鐘到，佢要電腦部靚仔將素材放進電腦及安裝軟件，吓！唔係啩！你估人地會飛呀！呢啲唔係一早要準備咩！唔怪得學校靚仔火啦，跟住我行埋去叫佢地唔好嘈住，最緊要即刻爭取時間攪掂啲嘢先，幸好有義工一齊幫手，咁先攪掂！