問候還是打電話問功課？

         記得當年在家休養的時候，時不時都會接到一些電話，問場白就是問候一番，接着就進入正題， 曾有人自私到由晚上10至零晨2點問我整過軟件的操作，我又唔好意思收綫，結果該人在某中心開呢個課程。
        另一位就係某中心的導師來電，此人向來冇咁好死，搵親我必有所求，例牌開場白問候一番，跟着當然係進入正題，說寄了帶附件的電郵給我，問我點樣拿取附件PowerPoint 內的所有相片，我與她談電話的同時己將PowerPoint內的相片拿了出來並寄給她，要她自己用腦袋想想如何做，跟着她接連打了數次電話來死纏爛打，我說我不會教她，點解？因她只會從別人身上吸收電腦知識，但從來不會教人，對這些人我只會以以其人之道還治其人之身。
       有些人懂點兒皮毛，就覺得自己高人一等，所以瞧不起人，我曾禮貌上對某些人打招呼也視而不見，後來當他們知我的電腦知識頗為不錯，當堂換了臉孔對人，當有求於人就非常好口，否則招呼也省了.....
       這些人的行為真係極度自私，明知我係好需要在家中休息，佢地都係咁......可惜當時唔識say no！