團購任食即開生蠔自助餐

在數月前我在Group Buyer 以$158元購買Macro's Oyster Bar任食即開生蠔自助餐券兩張(原價$480元)，地點在香港灣仔皇后大道東202號QRE Plaza 三樓，昨晚去到覺得環境都算唔錯錯，還有樂師彈著結他唱歌，如果在三十多年都覺得好浪漫，而家最實際都係食嘢好啲啦！不過我都點咗首歌 yesterday 。嘻嘻！

以下呢兩樣係我去自助餐必食首選，風乾既意大利巴馬火腿我食咗好多，如有蜜瓜配合就更好啦！生蠔七點鐘開始有人在現場即開，每次要排好耐先至三隻仲係瘦掹掹，真係好失望！

  風乾既意大利巴馬火腿、即開生蠔

還有吞拿魚沙律、薯仔沙律、凱撒沙律、煙鴨胸沙律、什錦他他、蕃茄芝士沙律、煙三文魚、什菜湯、忌廉湯、意大利薄餅、什豆沙律等等.....

主菜我揀咗阿根廷安格斯肉眼扒配鵝肝醬汁，味道真係唔錯！

甜品有紐約芝士餅，意大利芝士餅，朱古力蛋糕，朱古力班尼士，法式焦糖燉蛋，不過我只食咗其中一款紐約芝士餅，覺得味道麻麻！

如果以原價$480我一定唔會嚟，因為唔值得，而家以158元加飲品再加一合共224元(每位)，價錢都算合理。