煩惱皆因臉書起...

係時候要同臉書少啲見面...夠啦...我唔想再煩啦...我要遠離這是非之地...

我地都係少見為佳吧啦！咁我就多啲時間做自己嘢啦...拜拜！

唔該識趣點兒....

我平生最討厭被人管，爸爸是例外的一個，唔知點解有啲人好想知我幾時做啲乜嘢，去過邊.....都要同佢交代，喂...喂...喂我們朋友也談不上，更何況是泛泛之交，冇咁必要同你交代？我客氣就唔出聲，忍住...換轉以前我一早就....唉！而家就算吧...最多以後少來往就吧了！

已所不欲，勿施於人

飯盒也要佔一座位，剝削其他人的座位空間，此等行為要不得。

而家搭車好多時都見到呢啲人，一人佔兩三個座位，行李就阻塞通道，手抱bb佔一個位都唔肯讓給有需要人仕，坐巴士就飛象過河，見到傷殘或長...長者都裝聾扮盲....

現今社會讓座的人越來越多少了

霸位

昨天乘車前往美乎,巴士坐位很多,不過很多都是一人霸佔兩座位擺放物品,我站在近門口位示意︰唔該！這女士無動於中,跟住我講多兩聲,她老大不情原的將物品放在腳下,接着乘客越來越多,佢地見到有人霸佔座位,都唔出聲情原企,有一八十多歲長者上車,前面的人全無意識拎起啲物品比長者坐,跟住我係真火都嚟,我同前面阿伯講︰唔該座位係比人坐O既！唔係擺嘢O既！唔該你拎起啲嘢比人坐,跟住佢死死地氣拎起啲嘢!

得閒無事...都唔好理人閒事！

我真係真係...唔想....唔想....唔想....同啲得閒無事理人閒事啲八婆傾計。好憎同呢啲人溝通，好憎睇到呢啲人的咀臉，呢啲人知唔知道自己真係真係無聊到極點呢！但有時有啲場合又無可避免。

咁無聊可唔可以搵啲有建設啲嘢做吓呢？其實可以做義工探訪啲長者，將你啲長處發揮吓喎！

喋喋不休...煩！

對面B師奶認真討厭，整壞我部攪拌機後仲若無其事，拍門要我開門比佢入嚟睇吓我企缸整成點...入屋後同另一師奶係度喋喋不休...煩！

最衰係成日朝見口晚見面費事面阻阻，如果唔係一早就鬧到佢阿媽都唔認得啦！

點解？點解？

點解搭親電梯經常會見到左右門神、福綠壽三星。前面好似好多人，後面就擺空城計，有人入電梯完全沒有往後企或讓路的意思。見人阻路我叫話唔好意思，語該借借。但如沒有反應，咁我就唯有左右開弓...
啲人最緊要自己上到車或入到電梯，就不管他人死活，最討厭是早上有很多人都要趕着上班，但搭車時總會有很多人站在門口位，雙腳像被釘在地上似的，不會讓路給後來的人，簡直豈有此理！

點解啲人咁離譜？

點解啲人咁離譜？不問自取！真係嬲佢唔知，話佢唔好意思。 我將手指內的檔案抄至電腦，因有事離開片刻，轉頭就見這人將我手指內的其他檔案抄在他的手指中，認真過份，之前在另一中心也曾發生這樣的事，如手指內的是比較重要的，我就必定出聲警告勿抄。

極之討厭沒有公德心之人...

在巴士上遇到一個極之討厭的人，此人在車上全程講手提電話，仲驚死冇人聽到佢講嘢咁; 聲浪勁大，最慘係後面有一男士，細細聲好似念經咁問候佢娘親，我同時比呢兩把聲騷擾，認真難頂！我真係極之討厭這些沒有公德心之人仕！

從此風平浪靜！

我們其中一位義工超級攪屎棍話唔做太極義工，真係一天都光哂！從此天下太平是非遠離我們了，哈哈！

超級八婆乞人憎...

最近遇到一超級八婆，跟我說︰[有一朋友患上了癌症，不過而家又復發啦！]你話啦佢咁講係乜嘢意思，正常人遇到我講說話都要避忌吓啦！幾天後遇到她又指着我的頭髮說︰[你而家咪幾好頭髮自然捲曲唔使電。]你話佢係度攞景正贈慶！對住呢啲八婆我通常都唔出聲，費事啋佢！

此人我向來對她從沒好感，因她以做義工為名攪是攪非為實，有佢存在就必有是非，有一次她與另一八婆齊齊背後講人是非，仲講很好過份添，我終於忍無可忍直斥其非，令到她們非常冇癮。

無奈！

細仔部限量版PSP失踪唔見咗(閉門失竊)！全家出動也找不到，莫非PSP會走路，離家出走乎！而家唯有比住我o個部PSP佢玩住先啦！

後記︰ 己案件重演發覺有可疑，應該被拐帶了。無奈！

煩！煩！煩！

好日唔瞓晏覺，瞓親咁係被那些借貸銀行電話嘈醒，一個下午接到三個，過份！再睡時就被隔離左右師奶七咁八舌嘈住，跟着對面狅拍門，喂！我冇欠你錢喎！使唔使咁大力拍門，開門一看原來派帖，喂！o個日唔得閒喎！兩星期後去飲，而家先派，不如當日先派比我啦！

極度無聊

今日有啲唔開心，因我買餸時遇到對面鄰居，佢問我點解會搵送飯服務，是否身體發生問題，仲話隔離鄰舍都議論紛紛，佢話自己唔係八係為咗關心我，其實我都想搵佢幫忙，因佢有養貓的關係，所以迫於無奈話比對面屋知我需要化療，希望對面屋暫時收留我兩隻貓。
後來佢話開咗家庭會議唔方便，咁都冇所喟我明解！我語帶相關同佢講不要將我患病啲事傳開去，以免被無聊人事亂咁講嘢！但聽佢語氣己知佢話咁快己傳咗開去，雖然佢話冇，但我知佢份人極度無聊，平時有咁啱遇到佢佢都同我講人地是非，啱啱先聽佢同我講完隔離屋啲家事，其實我真係冇興趣聽人地啲是非，得閒都對住部電腦好過，起碼冇是非。

我最討厭

電梯
乘客進入電梯後，企在門口有人進入電梯也不會讓開
見有人呼叫唔該等等也不等候，即按關門制

巴士

乘客上了巴士後企在門口，不會進入車箱阻礙別人上車
一人霸佔兩或三個座位，有人要坐也視若無睹
在巴士上高談闊論或大聲講電話
最離譜是學生與長者爭位座又面無愧色
乘客見到長者、孕婦或傷殘人士突然失明

地鐡

有些人當扶手係私人扶手，整個人靠在扶手上

無聊的問題

         我經常遇到這類人，初相識就很想瞭解我們全家的每一個成員的工作，對著這些人我通常都是敷衍了事，但心底是極之討厭，心想關你甚麼事？但她們也希望我去瞭解她們家中成員的工作，但我可沒有興趣去知道她們的任何事，跟着她們見我沒有回問她，她們總會自動回答︰我的兒子是做....女兒是做.....

無聊人

我這份人極度討厭

那些愛好搬弄是非、無事生非、挑撥離間的人，整天將時間浪費在那些無聊兼無建設的事情上，她們真是可憐兼討厭

！

無聊人

我這份人極度討厭

那些愛好搬弄是非、無事生非、挑撥離間的人，整天將時間浪費在那些無聊兼無建設的事情上，她們真是可憐兼討厭

！