台灣之旅第二日

今天是到了台中的第二天，我們在酒店早餐，這裡有我最愛的芝士，我吃了很多...結果好滞，整天看到美食都唔想食.

台北之旅 第一日

在9月5日獨自一人出發前往台灣，在機場去錯閘口，幸好預鬆時間，否則真係好趕啦！

搵食兵團在香葉泰國菜館

搵食兵團又出動啦...我們一行七人前往香葉泰國菜館，等位等咗成粒鐘，好多都係遲嚟先上岸，我地仲係等...知客編排座位真係有問題，有待改善....

令人越來越失望的金坊泰國美食

最記得第一次去時覺得超水準，接着去了多次，覺得水準一次比一次差，今次真令人無法忍受，雞無雞味...蝦無蝦味，叫了六碟餸只有一碟似樣啲...問我下次會唔會再去？no way...
但唔知點解？門口成日都有人排長龍？

二少出馬

天倫樂之晚餐在龍悅

今晚本想在家弄海鮮餐，但家人想出外吃，結果去了沙角龍悅，看餐牌有六人套餐只要用滙豐咭簽賬就可享有優惠，咁就叫咗呢個套餐啦，諗住四人食六人餐有剩仲可以打包添...結果係唔夠食。

金奬叉燒皇 都幾ok...

YAKI ANA 穴居酒屋

在新城市廣場地下有間新開的日本居酒屋，大少好鍾意試新嘢，咁就順吓佢意啦...呢個時候只有下午茶餐叫，沒有其他....

西貢悠遊行

以前放工好多時都會搭廠巴去西貢，我好多時都會去松記吃車仔麵，今日妹妺本想約我去筲簊灣川婆婆吃車仔麵，心想不大化算喎，倒不如到松仔吃吧，之後在西頁行一輪經過Sai Kung Cafe & Bakery，見到剛巧有新鮮熱辣辣的葡撻出爐，咁就咁係唔執輸買嚟食啦！外表飽滿又熱辣辣的蛋漿，撻皮香脆又酥化，真係食過翻尋味呀！下次嚟一定要再買嚟食...

老娘出馬

講真嗰句，我真係唔鍾意煮餸，最好餐餐出去食，但食得多又好厭，再加上出外食零舍多味精，所以情願自已煮好過。今晚四餸冇煮飯，姐妹倆一起喝酒，真係人生最佳享受啦！如果我們兄妹六人能坐在一起喝酒想當年，咁就真係Very Good 啦！

THE SALTED PIG

        今早見到有間食肆開了，中午與同學們到此午餐，我看餐牌後笑對侍應說價錢頗為貴啊，有否有長者價？經理對我們說送我們每人一杯餐飲再加兩個甜品。我只不過是說笑而已，想不到這經理是如此的敬老，這裡的環境與食物味道都好好，下次一於再幫襯。

其實幸福可以好簡單...

其實幸福可以好簡單，能夠一家人坐在一起吃頓飯，就己經覺得好幸福啦！今日又係二少下廚啦...
老伴與大少都食到舐舐脷，讚口不絶話出街都食唔到呢啲水準。睇怕我都要檢討吓，不過唔識煮都有個好處，可以唔使煮囉..

咖哩雞

對酒當歌, 人生幾何 ?

對酒當歌，人生幾何？

譬如朝露，去日苦多。

黃珍珍泰國茶館

日前前往九龍城城塞公園拍攝，順道前往黃珍珍泰國茶館晚飯，多年前的我很多時都會在加班後，與同事到九龍城宵夜，自機場搬離後，九龍城己失去昔日光彩，今次去己變得面目全非，找不到昔日面孔，但清真牛肉館飽歷不少風霜，到而家依然存在，認真唔簡單，下次經過的話，一定會入去。

泰式生蝦刺身

令人失望的一次...

今日與友人前往中大拍攝，下午在蘭苑餐廰吃中午 ，我叫了一個韓式脆皮烤燒肉配泡菜年糕，燒肉皮一啲都唔脆，不過味道都唔錯，年糕口感就好差，一啲都唔煙韌...希望下次去唔好再令我失望啦...

脆皮烤燒肉配泡菜年糕

泡夫

補祝父親節

每次父親節或母親節我們都會提早慶祝，但酒樓都晨咁早就推出節日餐，所以而家就推遲算了，今日我係好想去全聚德食填鴨，因天氣不佳就在附近吃算了...

鮮茄野菌浸時蔬 好正！

清餸大行動

平時很少在家中煮中午飯，因為今晚補祝父親節，中午要將隔夜餸清掉

食在志蓮素齋

今日與友人前往志蓮拍攝，中午在志蓮吃午飯，在這吃飯最低消費每位盛惠120，這裡的齋比較清冇咁肥膩，比想像中好吃得多了。

我們一行四人叫了兩個五福臨門套餐

明火靚湯

咖哩素菜

翠柳繡球菌 

沙薑爆直菇

酥炸海苔南瓜

金菇梅菜蒸鮮竹

松子薑蓉菇粒炒飯

五福拼盤

紅菜頭沙律、醬燒菌、柚子醋粉皮、風味昆布、醬燒麵筋

甚麼叫油麵？

        今日與兩兒去吃純壽司日本菜，沒有甚麼新推介，叫了兩個午餐，再加一個人氣三點盛，人氣三點盛一嚟到就掛住食，忘記了拍照添...
       吃過午餐，在傾談間得知在好運中心有間759車仔麵開咗，於是前往看過究竟，呢間嘢唔係咁多人，唔知係未過了午飯時刻，人流比想像中少了，經過收銀處...聽有人問收銀︰油麵係乜嘢嚟？收銀答得認得專業︰油麵咪有油囉。我聽到差點兒笑了出來，我兩兒邊行邊笑說︰米粉有米...麵豉有屎...公仔麵有公仔...拉麵有奶...真係笑爆咀.
      不過如果要我答，我會答油麵係麵類的其中一種，鹼水味重啲，麵比較有咬口啲，年紀大就唔好食咁多。

D SET

B SET  件件壽司都啱我食 唯獨蛋壽司就唔係咁啱啦 

食在順德經典

順德經典是我們的聚腳地，因樓下就係地鐡，第一次去食時覺得樣樣都超水準，再去己不是那回事了，相信要看廚師心情，因每次去都水準不一。

焗魚腸係我認為最滿意的，魚腸分佈適中... 

呢味都唔錯 雞軟骨茄子 

糖醋骨嚟咁多次都食唔番第一次的水準，買相差乾真真冇哂啲肉汁，我整嗰啲仲好食過佢

 

龍躉兩味

啲鱗未刮乾淨，真係差差差... 

 

 豬天梯呢味唔錯

每次天使們聚會的指定動作

食在中大蘭苑餐廳

每次去中大我都會去蘭苑吃午餐，我最...最....最念念不忘的就係葡式乳豬配沙律餐，我去幾次都沒有，今日問侍應佢地話每兩星期就會轉一次餐牌，如果我想食就要留意佢地個專頁啦！

先嚟一碗羅宋湯...接著

頭盤凱撒煙三文魚沙律 

蘭苑自家製牛肉漢堡配薯條沙律 個名認真夠長

掀起麵飽睇真啲...未食都覺得好味，食落又真係超好味.

餐飲叫咗一杯即磨咖啡

再嚟一個甜品...登...登...登登就係我最鍾意的芝士蛋糕啦！