知人口面不知心

我有時心浮氣亂思路不清，當我清晰時就會看清人性假臉孔，再過幾天步入虎年，令我想起畫虎畫皮難畫骨，知人口面不知心。雖說虎毒不吃兒，但無從考究，但人心不古，世態炎涼常有人在你身上找麻煩，將你先除而後快，你無傷人之意，但！！！

My Favourite

完成一天的工作，去太古城食番杯雪糕嘆吓先！

沙角邨街市陷阱，領匯管理不善！！！

昨日前往鄰邨街市買餸，過了雞檔落級時，誤中陷阱踩空跌倒，當堂嚇至魂不附體，附近檔主說我好彩沒有斷骨，說之前已有數人跌倒，自行前往急症室了事，他們己投訴多次也沒人理會，吓！唔係啩！正路有人在此跌倒應該要即時維修，以免再有人跌倒，溝渠蓋只是用索帶頂住而不去更換，為免再有人跌倒受傷，我要護衛員Call白車及打999，拿了檔案號碼要領匯快速處理問題，今早再找議員跟進。

幸好只是扭傷了足踝，這條路行了多年，從沒想到會有這樣的意外，現在街市經我猛烈投訴後，己更換了渠蓋了！

後記︰19號到街市買餸，無端有人向我說多謝跟着用手指着另一邊，我一看原來街市的渠蓋己全部更換了，真想不到領匯的效率突然變快了，聞說有檔主也曾在此跌倒兩次，投訴多時也沒人理會。

極之討厭沒有公德心之人...

在巴士上遇到一個極之討厭的人，此人在車上全程講手提電話，仲驚死冇人聽到佢講嘢咁; 聲浪勁大，最慘係後面有一男士，細細聲好似念經咁問候佢娘親，我同時比呢兩把聲騷擾，認真難頂！我真係極之討厭這些沒有公德心之人仕！

大頭蝦...

買了對新波鞋，扔對舊的...但扔得真爽快，不慎連鞋墊也扔掉，鞋墊貴過鞋腳痛加心痛！

我時不時唔覺意地將有用物品當垃圾扔掉，跟着又要搵餐慒。

從此風平浪靜！

我們其中一位義工超級攪屎棍話唔做太極義工，真係一天都光哂！從此天下太平是非遠離我們了，哈哈！

超級八婆乞人憎...

最近遇到一超級八婆，跟我說︰[有一朋友患上了癌症，不過而家又復發啦！]你話啦佢咁講係乜嘢意思，正常人遇到我講說話都要避忌吓啦！幾天後遇到她又指着我的頭髮說︰[你而家咪幾好頭髮自然捲曲唔使電。]你話佢係度攞景正贈慶！對住呢啲八婆我通常都唔出聲，費事啋佢！

此人我向來對她從沒好感，因她以做義工為名攪是攪非為實，有佢存在就必有是非，有一次她與另一八婆齊齊背後講人是非，仲講很好過份添，我終於忍無可忍直斥其非，令到她們非常冇癮。

無奈！

細仔部限量版PSP失踪唔見咗(閉門失竊)！全家出動也找不到，莫非PSP會走路，離家出走乎！而家唯有比住我o個部PSP佢玩住先啦！

後記︰ 己案件重演發覺有可疑，應該被拐帶了。無奈！

豈有此理！

今天收到稅務局寄來的信，打開一看...吓！唔係啩！信內說因我沒有在指定的限期內提交報稅表，說我己違反稅務條例，要繳交罰款600大元，喂！有冇攪錯，自2002年被迫退休後己沒有工做，現在只不過是間中做做散工而己，冇理由要我年年填寫報稅表喎！

行運行到落手指尾

行運行到落手指尾，剛在家中吃橙，拿一張宣傳紙張來舖枱，誰知被紙割傷仲流血不止添，認真甘。

煩！煩！煩！

好日唔瞓晏覺，瞓親咁係被那些借貸銀行電話嘈醒，一個下午接到三個，過份！再睡時就被隔離左右師奶七咁八舌嘈住，跟着對面狅拍門，喂！我冇欠你錢喎！使唔使咁大力拍門，開門一看原來派帖，喂！o個日唔得閒喎！兩星期後去飲，而家先派，不如當日先派比我啦！

太極十式

接受好友勸導，重練太極十式，但係打完太極十式後，跟着上落樓梯都發軟蹄，今天兩腿酸軟無力，本打算明天會繼續，而家打消念頭，都係休息吓好啲。下星期繼續唔好比佢停。

無聊電話...乞人憎...

偶然午睡竟接到這些無喟電話，真是無名火起！你估吓我係邊個？ 我最怕接到電話後，有人叫我估吓佢係邊個，估唔到即係唔係熟，所以無喟叫我估啦！

煩！煩！煩！ 一日之內竟接到兩間銀行的電話，問要否低息貸款！唔該如果係借咗係唔使還o既，先至打比我啦！

為食貓琪琪

買了魚乾回來忘記放好，居然被為食貓琪琪偷吃，仲係度扮叉燒添！

我係家人女傭

家中寵物琪琪經想嘔吐，唔知點解有啲人經常都會視而不見，次次都要家中傭人...我來清理！

昨日堂上有人突然情緒失控，大力地不停拍抬跟着太哭，嚇至坐在他兩旁的同學不知所惜，我怕他有攻擊性不敢行近去，當然有找中心職員處理啦！

今日就真係比啲電腦攪到一頭煙，疲於奔命！想下次唔好咁煩？唯有今日遲啲走攪掂啲問題，等下個禮拜唔使咁煩啦！

真係行運行到落膝頭哥，呵呵！一月內仆街仆兩次！是否打化療針的後遺症？好傷...仲出哂血添！不過最嚴重受傷o既係新！新！新手機啦！

濕地公園

用會聲會影製作！有興趣去學嗎？480元4堂共12小時，另送你會聲會影11.5版本軟件，可惜不是最新的，如想要最新版本X2要補500元。

新手機的後遺症...

而家部手機又攪到我發忟憎啦！己經換咗部啦！而家又有問題，打電話去問技術支援部，佢地要我攞部機維修！唉！呢回真係貼錢買難受囉！

後記︰部手機有好多問題出現，打親電話去技術支援部，佢地都係烏Sir Sir ，最叻叫我去換機或攞去維修，跟本解決唔到問題，唯有自己研究所因何事，而家終於攪掂啦！呵呵！

編輯歌曲資訊...

妹妹借了很多Mp3歌曲給我，這些都是我喜歡聽的歌曲，現正為每一首歌加上歌曲資訊，用的是Mp3標籤修改工具再配合Excel，輕易地完成加上歌曲資訊！比起用Windows Media Player方便得多了。